promo
Lewogan : Abita pou Limanite mete 500 kay nan chantye PDF  | Print |  E-mail

Dapre korespondan nou

Joseph Pierre-Paul

Nan  dat ki te 15 septanm 2011 nan vil Lewogan, Abita pou Limanite inogire demaraj lojman pèmanan nan kominote Santo. Se yon pati nan pwogram jeneral li ki vize sèvi plis ke 50 mil fanmi.  Li pral bay yon total 500 kay ansanm  ak sèvis pou fanmi sa yo ki rete san kay aprè tranbleman tè a.

Abita pou Limanite ap travay an Ayiti depi 27 lanne e li jwenn sipò ak jenewozite Bank Entè Ameriken pou Devlòpman, otorite lojman nan Nouyòk, Òganizasyon Pwogresis Ayisyen- Ameriken, Premye Legliz Batis Enstitisyonèl elatriye ki te pèmèt li demare pwojè kay sa yo ki mezire 20 mèt kare pa kat.

Pami divès pèsonalite ki te inogire lansman pwojè sa, nou jwenn Mark Andrews,  prezidan Abita pou Limanite ; Claude Jeudi, direktè Abita pou Limanite ; Santos Alexis, majistra vil Lewogan,  Marie Veronita Antoine, youn nan benefisyè kay sa yo e Jempsy Fils-Aimé ki se reprezantan Bank Entè Ameriken pou Devlòpman.